គន្លឹះក្នុងការជួយកូនៗវ័យជំទង់ឱ្យលូតលាស់បានល្អប្រសើរ
ដើម្បីជួយឱ្យកុមារទទួលបានការលូតលាស់ល្អប្រសើរ ការកសាងទំនាក់ទំនងជាមួយពួកគាត់ ជាមូលដ្ឋានគ្រឹះមួយយ៉ាងសំខាន់។ ការស្រលាញ់ទៅលើនរណាម្នាក់ មានន័យថាយើងចាប់អារម្មណ៍នូវអារម្មណ៍របស់ម្នាក់នោះ ក៏ដូចជាអ្វីដែលពួកគេកំពុងគិតផងដែរ។
តើលោកអ្នកស្របលើការនិយាយបែបនេះដែរឬទេ? 🤔
តោះថ្ងៃនេះ យើងនឹងមកស្វែងយល់ពីគន្លឹះខ្លះៗ ដែលបានណែនាំពីអង្គការ Unicef សម្រាប់ជួយឱ្យឪពុកម្តាយក្នុងការចិញ្ចឹមបីបាច់កូន។ បើសិនជាចង់ដឹងថាគន្លឹះទាំងអស់នោះមានអ្វីខ្លះ សូមពិនិត្យមើលអត្ថបទនេះជាមួយគ្នា!
ផ្នែកទី១៖ សេចក្តីផ្តើម និងការស្តាប់សកម្ម
ការបង្ហាញថាលោកអ្នកជាឪពុកម្តាយម្នាក់ដែលស្រលាញ់ និងគោរពឱ្យតម្លៃកូនៗរបស់ខ្លួន គឺការដែលបានបង្ហាញថា ខ្លួនមានទំនាក់ទំនងល្អជាមួយកូនៗមានសារៈសំខាន់ខ្លាំងណាស់ ជាពិសេសអំឡុងពេលពួកគាត់ កំពុងរីកលូតលាស់ចម្រើនវ័យកាន់តែធំឡើង។
👂 ការស្តាប់សកម្ម (Active Listening)
លោកអ្នកមិនចាំបាច់ធ្វើការចំណាយលុយកាកទិញរបស់ថ្លៃៗ តុក្កតាទើបនឹងចេញថ្មី ឬទៅដើរលេងកម្សាន្តនៅខាងក្រៅ ទើបកូនស្រលាញ់ចូលចិត្តលោកអ្នកនោះទេ។ តាមពិតទៅ ការស្តាប់សកម្មទៅវិញនោះទេ ដែលជួយឱ្យកូនៗស្រលាញ់លោកអ្នកចេញពីខាងក្នុងចិត្តរបស់គាត់។
តើធ្វើយ៉ាងណាដើម្បីក្លាយខ្លួនជាអ្នកស្តាប់សកម្ម?
- ចូលរួមយ៉ាងពេញលេញ និងយកចិត្តទុកដាក់។
- មិនវិនិច្ឆ័យ និងមានការយល់ចិត្ត ទោះបីជាទស្សនៈមិនស្របគ្នា។
- គោរព និងឱ្យតម្លៃចំពោះទស្សនៈរបស់ពួកគេ។
ការធ្វើបែបនេះ នឹងជួយឱ្យក្មេងៗមានអារម្មណ៍ថាសំដីរបស់ពួកគេត្រូវបានអ្នកដទៃស្តាប់លឺ, យល់ពីខ្លួន, មិនឯកោ និងស្ងប់ចិត្ត។
ផ្នែកទី២៖ គន្លឹះទាំង ១១ សម្រាប់ឪពុកម្តាយ
(សូមចុចលើគន្លឹះនីមួយៗដើម្បីអានលម្អិត)
ការបង្ហាញថាលោកអ្នកចាប់អារម្មណ៍នូវអ្វីដែលមានសារៈសំខាន់បំផុតសម្រាប់កូនៗ របស់លោកអ្នក សកម្មភាពមួយនេះ បានបង្ហាញឱ្យក្មេងៗដឹងថាលោកអ្នកពិតជាបានយកចិត្តទុកដាក់ខ្លាំងណាស់ទៅលើពួកគេ។
ការធ្វើការចែករំលែកពីខ្លួនលោកអ្នក ទាំងការចូលចិត្ត ទាំងសកម្មភាពប្រចាំថ្ងៃ ទាំងអ្វីដែលកំពុងធ្វើ ជារបៀបមួយ ដែលជួយឱ្យលោកអ្នក និងកូនៗផ្សាភ្ជាប់ជាមួយគ្នា ហើយទាំងសងខាងដឹងអំពីនូវចំណាប់អារម្មណ៍ណាមួយដែលដូចគ្នា និងចំណាប់អារម្មណ៍ណាមួយ ដែលមិនសូវស៊ីគ្នា។
ការជជែកគ្នា គួរតែមានពេលសម្រាប់សួរអំពីមតិយោបល់ ទស្សនៈ និង ការយល់ឃើញផ្សេងៗពីកូនៗលោកអ្នកព្រោះថាការធ្វើបែបនេះ នឹងជួយឱ្យលោកអ្នកអាចយល់ដឹងពីអារម្មណ៍កូនៗលោកអ្នកឱ្យកាន់តែប្រសើរឡើងថែមទៀត។
សូមចាប់ផ្តើមកសាងទំនាក់ទំនងឱ្យបានច្រើន ជាមួយនឹងកូនៗរបស់លោកអ្នក ជាពិសេសក្នុងអំឡុងពេល ដែលគាត់ស្ថិតក្នុងវ័យក្មេងនៅឡើយ។ កុមារកាន់តែធំ គាត់កាន់តែមានភាពមមាញឹកជាមួយនឹងជីវិតក្នុងសង្គមនៅខាងក្រៅ ហើយរយៈពេលនៅជាមួយគ្រួសាររបស់ខ្លួនក៏កាន់តែតិចជាងមុនផងដែរ ដូចនេះហើយការប្រាស្រ័យទាក់ទងចាប់តាំងពីកុមារភាពសំខាន់ខ្លាំងណាស់។
បើទោះជាគេចម្រើនវ័យធំហើយក៏ដោយ ក៏ប្រសិនបើលោកអ្នក និងកូនៗលោកអ្នកមានទំនាក់ទំនងជាមួយគ្នាល្អ តាមរយៈការចែករំលែកអារម្មណ៍ និង ការគិតផ្សេងៗ វាទំនងជានឹងជួយឱ្យលោកអ្នក និងកូននៅតែបន្តធ្វើការជជែកជាមួយគ្នារហូតដល់គាត់ធំឡើងដដែល។
ការបង្ហាញកាយវិការថាយកចិត្តទុកដាក់ តាមរយៈការរក្សាប្រើក្រសែភ្នែក ការងក់ក្បាលបញ្ជាក់ ការបង្ហាញទឹកមុខព្រួយបារម្ភ ឬញញឹមលើកទឹកចិត្ត ជាសកម្មភាពតូចៗពិតមែន តែវាបាន បង្ហាញថាលោកអ្នកកំពុងតែស្តាប់ពួកគេដោយយកចិត្តទុកដាក់។
ការប្រើប្រាស់ភាសាកាយវិការ នឹងធ្វើឱ្យកូនៗមានអារម្មណ៍ថា អ្នកកំពុងមានវត្តមាននៅជាមួយពួកគាត់, មានការចាប់អារម្មណ៍, និងយកចិត្តទុកដាក់យ៉ាងពិតប្រាកដជាមួយនឹងគេ។ ទោះបីជាមិនបាននិយាយចេញឱ្យគេលឺជាពាក្យសម្តីណាក៏ដោយ ក៏វាបានបញ្ជាក់រួចហើយថា លោកអ្នកកំពុងតែស្តាប់ ជាពិសេសទៅទៀតនោះអ្វីដែលក្មេងៗ បាននិយាយចេញមកពិតជាសំខាន់ខ្លាំងណាស់សម្រាប់អ្នក។
ការសួរសំណួរបញ្ជាក់បន្ថែម ជាការបង្ហាញថា លោកអ្នកយល់បានយល់ច្បាស់ពីអារម្មណ៍ និងគំនិតរបស់កូនវ័យជំទង់របស់លោកអ្នក ហើយសូមចាំថារាល់ចំលើយដែលគាត់ឆ្លើយតបមកវិញ មិនមានចម្លើយណាមួយខុសនោះឡើយ។
សូមប្រើប្រាស់ភាសាធ្លាប់ប្រើ សមស្របនឹងការយល់របស់កូនលោកអ្នក ព្រោះថាការនិយាយពាក្យដែលកូនលោកអ្នកយល់ គាត់នឹងដឹងថាលោកអ្នកយល់ពីចិត្តគាត់ពិតមែន ហើយគាត់ក៏យល់ពីអ្វីដែលអ្នកចង់បានផងដែរ។
ការនិយាយឡើងវិញដូចអ្វីដែល កូនលោកអ្នកនិយាយឡើងវិញ នេះជាបង្ហាញថាអ្នកយល់ពីអ្វីដែលគាត់និយាយ។
ការសរសើរគួរតែត្រូវធ្វើឡើងភ្លាមៗ និងនិយាយចំពោះសកម្មភាពជាក់លាក់ ដែលកូនៗគាត់ពិតជាបានធ្វើពិតប្រាកដមែន។ ការនិយាយសរសើរលើកទឹកចិត្ត នឹងអាចជួយបង្កើនទំនុកចិត្ត ក៏ដូចជាការឱ្យតម្លៃលើខ្លួនឯងសម្រាប់យុវជន។ សកម្មភាពមួយនេះ នឹងជួយជម្រុញលើកទឹកចិត្តឱ្យកូនៗលោកអ្នកបន្តសកម្មភាពដូចគ្នាបន្តទៀតនាពេលក្រោយទៀត។
តើលោកអ្នកធ្លាប់សរសើរកូនៗលោអ្នកដែរទេ? តើមានអ្វីខ្លះដែលលោកអ្នកតែងតែឃើញកូនៗរបស់លោកអ្នកធ្វើបានល្អ?
ការទទួលស្គាល់អារម្មណ៍របស់ក្មេង នឹងអាចជួយពួកគេយល់ និងស្គាល់កាន់តែច្បាស់អំពីអារម្មណ៍របស់ខ្លួនឯង។ សកម្មភាពមួយនេះ ក៏ជួយឱ្យក្មេងៗមានអារម្មណ៍ថាខ្លួនសុវត្ថិភាពក្នុងការបង្ហាញអារម្មណ៍ផ្សេងៗ របស់ខ្លួនចេញមកក្រៅ។
មានពេលខ្លះកូនៗ គេអាចនឹងមិនងាយស្រួល ក្នុងការនិយាយពីអារម្មណ៍ខាងក្នុង ចេញមកក្រៅនោះទេ ហើយពេលខ្លះទៀតក៏ពួកគេមិនដឹងថា គួរតែរៀបរាប់វាចេញមកក្រៅបែបណានោះដែរ។
មិនជាបញ្ហាអ្វីទេ ដែលលោកអ្នកប្រាប់កូនៗ ពីអ្វីដែលកើតមានក្នុងខ្លួនកូនៗរបស់លោកអ្នក ហើយបញ្ជាក់ឱ្យក្មេងៗ ដឹងថាលោកអ្នកជាឪពុកម្តាយ ត្រៀមខ្លួនរួចជាស្រេចក្នុងការនិយាយ និងស្តាប់ពួកគាត់គ្រប់ពេលវេលា។ សូមកុំព្យាយាមបង្ខំ ឱ្យក្មេងៗនិយាយអ្វី ដែលពួកគេមិនអាចធ្វើការបកស្រាយចេញមកក្រៅធ្វើអ្វី។
ការប្រាស្រ័យទាក់ទងគ្នា មិនមែនកើតមានតែនៅពេលមានបញ្ហាណាមួយនោះទេ។ ការទំនាក់ទំនងជាមួយគ្នា គួរតែមានការចែករំលែកទាំងរឿងសប្បាយៗ អ្វីដែលកើតមានល្អៗក្នុងជីវិត ហើយព្យាយាមស្វែងរកការបង្កើតឱ្យមានបរិយាកាសសើចលេងជាមួយគ្នា។
ការលេងសើចសប្បាយរីករាយ ជាមួយគ្នា នឹងជួយបង្កើតឱ្យមានជាអារម្មណ៍វិជ្ជមាន និងពង្រឹងទំនាក់ទំនងរវាងលោកអ្នក និងកូនៗ បានយ៉ាងមានប្រសិទ្ធភាព។ តើថ្មីៗនេះលោកអ្នកមានលេងអ្វីជាមួយកូនៗដែរទេ?
ផ្នែកទី៣៖ សរុបសេចក្តី
ជាសរុបមក ការជួយឱ្យកូនវ័យជំទង់លូតលាស់បានល្អប្រសើរ មិនមែនផ្អែកលើការផ្គត់ផ្គង់សម្ភារៈទំនើប ឬការចាយលុយច្រើននោះទេ ប៉ុន្តែផ្អែកលើគុណភាពនៃទំនាក់ទំនង រវាងឪពុកម្តាយ និងកូន។
មូលដ្ឋានសំខាន់បំផុតគឺ “ការស្តាប់សកម្ម”៖ ស្តាប់ដោយយកចិត្តទុកដាក់, មិនវិនិច្ឆ័យ, មានការយល់ចិត្ត និងគោរពទស្សនៈរបស់កូន។ ❤️
Comments
Post a Comment