ទំលាប់តូចៗទាំងប្រាំ ជួយពង្រឹងសុខភាព

ទំលាប់តូចៗទាំងប្រាំ ជួយពង្រឹងសុខភាព (ជាពិសេសបេះដូង 💚)

ដោយ៖ ភុល សុភារិទ្ធ • កាលបរិច្ឆេទ៖ 31 January 2026

តោះ! មកស្វែងយល់ពីសកម្មភាពតូចៗ ៥ប្រភេទ ដែលជួយឱ្យសុខភាពរបស់លោកអ្នកមានភាពល្អប្រសើរវិញម្តង ជាពិសេស សុខភាពបេះដូង របស់លោកអ្នកតែម្តង។

ប្រាកដណាស់ថា មានទំលាប់មួយចំនួនដែលយើងធ្វើទៅ វាបង្កការបំផ្លាញទៅដល់ជីវិតរបស់មនុស្សយើង ដូចជាការបោះបង់ឱកាស ការបំផ្លាញទំនាក់ទំនងជាមួយមនុស្សនៅជុំវិញខ្លួន ឬការគិតស្មុគស្មាញច្រើនហួសហេតុជាដើម។

ខាងក្រោមនេះគឺជាទំលាប់ល្អៗទាំង ៥ (សូមចុចលើចំណងជើងនីមួយៗដើម្បីអានលម្អិត)៖

🚶

ទំលាប់ទី១៖ ដើរឱ្យបាន១០នាទី

+

ការដើរយឺតៗ ត្រឹមរយៈពេលតែ ១០នាទី ក៏អាចជួយឱ្យប្រព័ន្ធរបត់ឈាមរបស់យើងរត់បានស្រួលល្អ និងបន្ថយនូវភាពតានតឹងផ្លូវចិត្តផងដែរ។

សាកល្បងធ្វើការដើរយឺតមុនពេលអាហារថ្ងៃត្រង់ ឬ បន្ទាប់ពីអាហារពេលល្ងាចហើយ។ ការចាប់ផ្តើម គឺអាចធ្វើពីសកម្មភាពតូចៗបែបនេះទៅបាន ហើយវានឹងធ្វើឱ្យអ្នកកាន់តែរឹងមាំពីមួយថ្ងៃទៅមួយថ្ងៃជាមិនខាន។

💧

ទំលាប់ទី២៖ បន្ថែមការហូបទឹកមួយកែវ

+

មានពេលខ្លះយើងរវល់ខ្លាំងពេក តើអ្នកមានភ្លេចផឹកទឹក រហូតទាល់តែមាត់ឡើងស្ងួតដែរទេ? អ្នកមិនចាំបាច់ផឹកទឹកឱ្យដូចត្រីក្នុងទឹកនោះទេ លោកអ្នកគ្រាន់តែផឹកទឹកឱ្យបានគ្រប់គ្រាន់ទៅបានហើយ។

ជាការល្អ ប្រសិនបើអាច សូមចាប់ផ្តើមផឹកទឹកបន្ថែម ១ កែវក្នុងមួយថ្ងៃ ពីទំលាប់នៃការផឹកទឹករាល់ថ្ងៃរបស់លោកអ្នក ហើយសូមព្យាយាមបន្តបន្ថែមបន្តិចម្ដងៗ នោះលោកអ្នកនឹងមានទំលាប់ផឹកទឹកបានច្រើនគ្រប់គ្រាន់សម្រាប់រាងកាយហើយ។

😴

ទំលាប់ទី៣៖ គេងបន្ថែម ១ម៉ោង

+

ការសម្រាកឱ្យបានគ្រប់គ្រាន់ គឺមានសារៈសំខាន់ខ្លាំងណាស់ ហើយអង្គការសុខភាពពិភពលោក បានធ្វើការណែនាំឱ្យមានទំលាប់គេងចន្លោះពី ៧ ទៅ ៩ម៉ោង ក្នុងមួយយប់។

តើអ្នកគេងបានប៉ុន្មានដែរ? ពេលខ្លះការសាកល្បងជំហានតូចៗ អាចជួយឱ្យការគេងរបស់អ្នកបានកាន់តែប្រសើរ។ សូមសាកល្បងគេងលឿនជាងមុន១ម៉ោង បើសិនជាអ្នកគេងមិនទាន់បានគ្រប់គ្រាន់ពីមុនមកនោះទេ។

🍎

ទំលាប់ទី៤៖ ឈប់ញ៉ាំម្ហូបកែច្នៃ

+

មុននឹងដឹងថាត្រូវឈប់ញ៉ាំម្ហូបកែច្នៃ យើងមកដឹងជាមុនសិនថា អាហារកែច្នៃជាអ្វីដែរ? វាជាអាហារ ដែលឆ្លងកាត់ការកែច្នៃចេញពីរោងចក្រ ឬបានបន្ថែមសារធាតុផ្សេងៗ ដូចជាអំបិល ស្ករ ខ្លាញ់ សារធាតុរក្សាទុក ពណ៌ ឬក្លិនសិប្បនិម្មិតជាដើម។

ឧទាហរណ៍៖ នំខូគី, នំខេក, ភេសជ្ជៈផ្អែមៗ, មីកញ្ចប់, ឬសាច់ក្រក។

តើលោកអ្នកញ៉ាំអាហារផ្អែមៗ នៅពេលយប់ញឹកញាប់ទេ? បើអាចសូមចាប់ផ្តើមផ្លាស់ប្តូរពី អាហារកែច្នៃទាំងអស់នោះទៅជា ញ៉ាំផ្លែឈើវិញម្តង។

🧘‍♀️

ទំលាប់ទី៥៖ សម្រាកពីភាពតានតឹងចិត្ត (៥នាទី)

+

សាកល្បងរកពេលប៉ុន្មាននាទី ឈប់មើលទូរស័ព្ទ និង កិច្ចការដែលត្រូវធ្វើ ហើយធ្វើលំហាត់សម្រាកកាយចិត្ត ស្តាប់ភ្លេងសម្រួលអារម្មណ៍ ឬ កត់សម្គាល់ពីដង្ហើមចេញចូលរបស់ខ្លួន។

តើមានសកម្មភាពណាមួយ ដែលលោកអ្នកនឹងចាប់ផ្តើមធ្វើមុនគេ ដើម្បីបង្កើតទំលាប់ល្អសម្រាប់សុខភាពរបស់លោកអ្នក?

សូមបញ្ចេញមតិយោបល់ក្នុងប្រអប់ Comment ខាងក្រោម 👇

សរុបសេចក្តី

សរុបមកសកម្មភាពខាងលើនេះ អាចមិនមែនជាសកម្មភាពលំបាកនោះទេ បើយោងតាមអង្គការសុខភាពពិភពលោកសកម្មភាពខាងលើ នឹងជួយពង្រឹកសុខភាពបេះដូងរបស់មនុស្សយើង។ ដូចដែលយើងដឹងហើយថា សុខភាពផ្លូវកាយ និងផ្លូវចិត្តរបស់យើង គឺមានទំនាក់ទំនងគ្នា ដែលមិនអាចកាត់ផ្តាច់ពីគ្នាបាននោះទេ។ ការមានសុខភាពរាងកាយរឹងមាំ នឹងជួយឱ្យស្ថានភាពផ្លូវចិត្តរបស់យើងល្អប្រសើរផងដែរ។

"សង្ឃឹមថាលោកអ្នកបន្តថែទាំសុខភាពខ្លួនឯង ទាំងសុខភាពផ្លូវកាយ ផ្លូវចិត្ត និងផ្លូវសង្គម!"

ទស្សនាវីដេអូបន្ថែម៖

ឯកសារយោង (Reference):
American Heart Association. (2025, January 9). [Photograph]. Facebook. Link to Post