ការអង្គុយយូរ៖
គ្រោះថ្នាក់ស្ងៀមស្ងាត់ ចំពោះសុខភាព
តើអង្គុយធ្វើការយូរ បំផ្លាញសុខភាពអ្នកដោយរបៀបណា?
ដោយ៖
ភុល សុភារិទ្ធ
ថ្ងៃទី១៧ កក្កដា ឆ្នាំ២០២៦
“ នៅពេលធ្វើការងារ ឬរៀន តើលោកអ្នកត្រូវតម្រូវឱ្យអង្គុយក្នុងរយៈពេលយូរៗដែរទេ?
ការរស់ក្នុងសង្គមសម័យថ្មីនេះ បានជម្រុញឱ្យយើងម្នាក់ៗ បន្តអង្គុយនៅមួយកន្លែងយ៉ាងយូរ តាមរយៈការធ្វើដំណើរ ការធ្វើការងារក្នុងការិយាល័យ និងពេលនៅក្នុងបន្ទប់របស់ខ្លួន។ វីដេអូនេះ នឹងធ្វើការនិយាយអំពីបញ្ហាកើតឡើងពីការអង្គុយយូរៗមិនមានសកម្មភាព និងវិធីសាស្រ្តសាមញ្ញៗអាចអាចជួយលោកអ្នកបាន។
ការព្រមាន៖
"ការអង្គុយយូរពេក គឺជាឃាតករស្ងៀមស្ងាត់ដែលយើងមើលរំលង។ វាមិនត្រឹមតែធ្វើឱ្យអ្នកឈឺខ្នងទេ ប៉ុន្តែវាកំពុងបំផ្លាញប្រព័ន្ធរាងកាយរបស់អ្នកបន្តិចម្តងៗ។"
ការអង្គុយយូរ និងការខ្វះចលនា វាអាចបង្កើនហានិភ័យ នៃជំងឺបេះដូង, ជំងឺទឹកនោមផ្អែម, ជំងឺលើសឈាម, និងបញ្ហាឆ្អឹងខ្នង។
១ ហេតុអ្វីការអង្គុយយូរមានគ្រោះថ្នាក់?
ការអង្គុយក្នុងរយៈពេលយូរខ្លាំង ត្រូវបានអ្នកជំនាញផ្នែកសុខភាពមើលឃើញថា ជាការបង្កឱ្យមានបញ្ហាខាងសុខភាព (Dunstan et al., 2012)។ ពេលយើងអង្គុយយូរ ឈាមរត់មិនល្អ សាច់ដុំមិនបានប្រើប្រាស់ ហើយប្រព័ន្ធរាងកាយរបស់យើងចាប់ផ្តើមដំណើរការយឺតៗ។
ជំងឺរ៉ាំរ៉ៃ
ជំងឺបេះដូង, លើសឈាម និងទឹកនោមផ្អែម
ការធាត់លើសទំងន់
ការរំលាយអាហារដំណើរការយឺត
បញ្ហាឆ្អឹង និងសាច់ដុំ
ឈឺខ្នង, ឈឺក, ឈឺជង្គង់
អាយុខ្លី
ហានិភ័យស្លាប់មុនអាយុ
តើអង្គុយប៉ុណ្ណា ត្រូវចាត់ទុកថាជាការអង្គុយយូរ?
- ៤ ដល់ ៨ ម៉ោង/ថ្ងៃ៖ ហានិភ័យមធ្យម
- ៨ ដល់ ១១ ម៉ោង/ថ្ងៃ៖ ហានិភ័យខ្ពស់ (Ahmad et al., 2022)
*សម្គាល់៖ ហានិភ័យទាំងនេះកើតឡើង ទោះបីជាមនុស្សនោះហាត់ប្រាណក៏ដោយ ប្រសិនបើអង្គុយយូរៗជាប្រចាំ។
២ ការណែនាំរបស់អង្គការសុខភាពពិភពលោក
ដំណឹងល្អគឺ យើងមិនចាំបាច់ធ្វើលំហាត់ប្រាណធ្ងន់ៗច្រើន ដើម្បីថែរក្សាសុខភាពនោះទេ។ ការផ្លាស់ប្តូរតូចៗក្នុងជីវិតប្រចាំថ្ងៃ អាចធ្វើឱ្យមានការផ្លាស់ប្តូរធំបានដែរ (WHO, 2026)។
១. ក្រោកឡើង និងធ្វើចលនា
យ៉ាងហោចណាស់ ៥ នាទី រាល់មួយម៉ោងម្តង។ ល្អបំផុតគឺ ៣ នាទី រាល់ ៣០ នាទី (ដើរជុំវិញ, បង្វិលស្មា)។
២. ពត់ពេនរាងកាយពេលអង្គុយធ្វើការ
តម្រង់ដៃជើងឱ្យលាតសន្ធឹងនៅតុអង្គុយធ្វើការ ដើម្បីបន្ធូរសាច់ដុំ។
៣. ឈរ និងធ្វើការ
សូមសាកល្បងឈរធ្វើការ ឬប្រើតុខ្ពស់ពេលប្រើកុំព្យូទ័រ Laptop ។
៤. ដើរជុំវិញពេលនិយាយទូរស័ព្ទ
ជំនួសឱ្យអង្គុយ សូមដើរយឺតៗ ខណៈពេលនិយាយទូរស័ព្ទជាមួយអ្នកដទៃ។
៥. ឥរិយាបថត្រឹមត្រូវ
ការអង្គុយដោយឱ្យត្រង់ខ្នង មិនកោងស្មា និងដាក់ជើងឱ្យបានត្រឹមត្រូវ អាចជួយការពារបញ្ហាឆ្អឹងខ្នងបានផងដែរ។
៦. ប្រើជណ្តើរជើង
ការឡើងចុះជណ្តើរ គឺជាវិធីងាយស្រួលមួយ ក្នុងការបន្ថែមចលនារាងកាយប្រចាំថ្ងៃ។
៧. ពត់ពេនខ្លួនរាល់ថ្ងៃ
សូម្បីតែមិនមែនជាថ្ងៃហាត់ប្រាណ ការពត់ខ្លួនដោយលាតសន្ធឹងរាងកាយ ក៏ជួយឱ្យរាងកាយមានភាពងាយស្រួលបត់បែន និងស្រួលក្នុងខ្លួន។
សរុបសេចក្តី
ការអង្គុយយូរ មិនមែនជារឿងធម្មតាដែលគួរមើលរំលងនោះទេ វាជាកត្តាហានិភ័យមួយចំពោះសុខភាព។ ភស្តុតាងវិទ្យាសាស្ត្របង្ហាញយ៉ាងច្បាស់ថា ការអង្គុយយូរពេក គឺជាគ្រោះថ្នាក់ធ្ងន់ចំពោះសុខភាព។
វាអាចបង្កើនហានិភ័យនៃ៖
ការក្រោកឡើងផ្លាស់ទីបន្តិចម្ដងៗ ការយកចិត្តទុកដាក់លើអង្គុយ និងការបន្ថែមចលនារាងកាយក្នុងជីវិតប្រចាំថ្ងៃ គឺជាវិធីសាមញ្ញៗ ប៉ុន្តែមានអត្ថប្រយោជន៍យ៉ាងខ្លាំងសម្រាប់សុខភាពរយៈពេលវែង។
Comments
Post a Comment